Msc. Ana Sulaj
Departamenti i Kineziologjisë
Fakulteti i Shkencave të Rehabilitimit
Ana Sulaj është diplomuar në Universitetin e Mjekësisë Tiranë, në Fakultetin e Shkencave Mjekësore Teknike në degën e Fizioterapisë në ciklet “Bachelor” dhe “Master i Shkencave”. Pas përfundimit të studimeve Znj. Sulaj ka ushtruar profesionin e saj si fizioterapiste në klinika të ndryshme private në Tiranë dhe gjithashtu është bërë pjesë e fushës akademike si As. Lektore me kohë të pjesshme pranë Universitetit të Sporteve të Tiranës, në Fakultetin e Veprimtarisë Fizike dhe Rekreacionit. Që prej Shtator 2021, Ana Sulaj është As. Lektore me kohë të plotë pranë Fakultetit të Rehabilitimit, UST. Përpos angazhimeve akademike, ajo prej 2 vitesh është fizioterapiste e ekipeve Kombëtare të Futbollit të Femrave ku jep kontributin e saj në parandalimin dhe rehabilitimin e dëmtimeve sportive. Përkushtimi dhe pasioni për fushën e mësimdhënies dhe rritjeve profesionale e kanë shtyrë Anën të kryejë një sërë trajnimesh lidhur me aplikimet e limfodrenazhit manual, teknikën e DNS (Dynamic Neuromuscular Stabilization), trajtimet sportive me anë të Human Tecar dhe së fundmi ajo është licensuar me Dëshminë e Fizioterapistit Sportiv nga Federata Shqiptare e Futbollit. Ana ka kontribuar në fushën e kërkimit shkencor duke marrë pjesë në konferenca brenda dhe jashtë vendit dhe gjithashtu ajo është Publisher dhe co-Editor në revistën shkencore “Kosalb International Journal of Human Movements Science”. Aktualisht ajo është duke ndjekur studimet në ciklin e tretë të doktoraturës në fushën “Aktikvitet Fizik dhe Shëndet”, në Fakultetin e Veprimtarisë Fizike dhe Rekreacionit, UST duke përmbushur ambiciet e saj për arritjen e gradave shkencore.
- Rehabilitimi i dëmtimeve sportive
- Ortopedi & Traumatologji
- Neurologji
| – Nëntor 2020 – Shkurt 2021
As/Lektore me kohë të pjesshme në Universitetin e Sporteve të Tiranës, Fakulteti i Veprimtarisë Fizike dhe Rekreacionit |
| – 1 Shtator 2021 dhe në vazhdim
As/Lektore me kohë të plotë, Universiteti i Sporteve të Tiranës, Fakulteti i Shkencave të Rehabilitimit, Departamenti i Kineziologjisë |
17-18 Nëntor 2023: Autore e parë e punimit “Dynamic Neuromuscular Stabilization (DNS) in Sport Rehabilitation: A systematic review”, në Konferencën e 4 Ndërkombëtare Shkencore në Edukim Fizik, Sport dhe Shëndet, Universiteti Hasan Prishtina.
17-18 Nëntor 2023: Autore kontributore në punimin “Postural Asymmetries in Sports: Literature Review”, në Konferencën e 4 Ndërkombëtare Shkencore në Edukim Fizik, Sport dhe Shëndet, Universiteti Hasan Prishtina.
17-19 Nëntor 2023: Autore e parë e punimit “Fuqizimi i futbollisteve femra përmes fizioterapisë: Një rishikim literature”, në Kongresin Ndërkombëtar të Shkencave Mjekësore 6 ISBN 9789928479709, Tiranë
17-19 Nëntor 2023: Autore kontributore në punimin “Evaluation of the effect of Dry Needling in the treatment of chronic mechanical neck pain: A literature review”, në Kongresin Ndërkombëtar të Shkencave Mjekësore 6 ISBN 9789928479709, Tiranë
29-30 Tetor 2022: .Autore e parë “The acceptance of telerehabilitation in physical therapy: A systematic review” University for Business and Technology – UBT, “International Conference Sport, Health and Society” (2022). UBT International Conference. 1. https://knowledgecenter.ubt-uni.net/conference/2022/bp/1 ISBN 978-9951-550-53-6 Prishtinë, Kosovë
29-30 Tetor 2022: Autore kontributore në punimin “Technological innovations in Physiotherapeutic rehabilitation” University for Business and Technology – UBT, “International Conference Sport, Health and Society” (2022). UBT International Conference. 1. https://knowledgecenter.ubt-uni.net/conference/2022/bp/1 ISBN 978-9951-550-53-6 Prishtinë, Kosovë
8 Tetor 2022: Autore e parë e punimit me temë “Pranimi i telerehabilitimit në fizioterapi” në Konferencën e I-rë Ndërkombëtare të Fizioterapisë, zhvilluar në Universitetin Zoja e Këshillit të Mirë.
18-19 Maj 2022: Autore e parë e punimit me temë “Efektiviteti i një protokolli rehabilitues 8 javor në politraumat e regjionit të gjurit Case Study” në 7th International Balkan Conference in Sport Sciences në Tetovë, Maqedoni.
12-14 Maj 2022: Autore e parë e punimit me temë “Efektiviteti i ushtrimeve të balancës në rritjen e performancës fizike dhe aftësive motorike” në Konferencën Kombëtare të Shkencave Mjekësore 10
14 Dhjetor 2021: Autore e parë e punimit me temë “Rehabilitimi i artikulacionit të gjurit pas rikonstruksionit kirurgjikal të LKA” në sesionin shkencor “Aktiviteti Fizik dhe Sporti” i zhvilluar në Universitetin e Sporteve të Tiranës.
9-11 Maj 2019: Autore e parë e punimit me temë “Rëndësia e neuroplasticitetit në fizioterapi dhe rehabilitim” në Konferencën Kombëtare të Shkencave Mjekësore 6, Tiranë.