Dr. Alban Malaj është diplomuar në degën “Mjekësi dhe Kirurgji” në Universitetin e Romës “Sapienza” në tetor të vitit 2009 me notën 101/110. Ndërkohë gjatë periudhës kohore 2008-2010 ai ka qënë student frekuentues dhe më pas mjek i brëndshëm në repartin e kirurgjisë vaskulare të poliklinikës “Umberto I”, Romë, Itali. Në muajin mars të vitit 2010 ai regjistrohet në “Urdhërin e Mjekëve dhe Dentistëve të Romës”. Nga muaji maj i vitit 2010, Dr. Alban Malaj ka qënë mjek në formim në specialitetin e kirurgjisë vaskulare në katedrën e kirurgjisë vaskulare, drejtuar nga Prof. BRUNO GOSSETTI, në Poliklinikën “Umberto I”, Romë, Itali. Në qershor të vitit 2015, Dr. Albana Malaj përfundon ciklin e specializimit dhe merr titullin “Specialist në Kirurgji Vaskulare” në Universitetin e Romës “Sapienza”  me notën  70 cum laude / 70. Nga shtatori i vitit 2015 e në vazhdim ai punon si kirurg vaskular pranë Spitalit Amerikan, Laprakë, Tiranë. Në Janar të vitit 2016 fillon ciklin 3 vjeçar të studimeve të doktoraturës, fokusuar mbi trajtimin endovaskular të traumave të aortës torakale tek të rinjtë. Në shkurt të vitit 2019 merr titullin “PhD” në Fiziopatologji dhe Imazheri Kardio-Torako-Vaskulare (Cikli i 31) me notën cum laude. Në janar të vitit 2023 përfundon Masterin një vjeçar të Nivelit Të dytë në Teknika Endovaskulare në Universitetin e Romës “Tor Vergata”  me notën  110 e lode / 110. Nga janari i viti 2021 e në vazhdim ai është Lektor pranë “Departamentit të Shkencave  Biomjekësore dhe Humane, në “Fakultetin e Shkencave të Rehabilitimit”, pjesë e “Universitetit të Sporteve të Tiranës”. Dr. Alban Malaj është gjithashtu edhe anëtar i “European Society for Vascular Surgery”, anëtar i “ Societa Italiana di Chirurgia Vascolare ed Endovascolare”. Ai është pjesëmarrës në shumë punë shkencore të publikuara në revistat më në zë të kirurgjisë vaskulare dhe në autor në disa kapituj të disa librave të kirurgjisë vaskulare.