Znj. Jonida Peppo ka lindur në Tiranë më 21.05.1989. Ka kryer studimet universitare të ciklit “Bachelor” dhe “Master Shkencor në Psikologji Klinike” pranë FSHS-së të UT-së nga viti 2008 deri në 2013. Studimet e saj në ciklin “Master” janë plotësuar me ndjekjen e një semestri gjatë vitit akademik 2012-2013 në Universitetin e Leuven, Belgjikë në kuadër të programit Erasmus dhe me formimin e mëtejshëm universitar të përfunduar në ciklin e studimeve “Master Profesional në Pedagogji të Specializuar Sociale” në vitin 2021. Nga muaji Shtator 2022, është duke ndjekur programin e Doktoraturës në Shkenca Sociale pranë FSHS-së të UT-së në fushën e kërkimit: Psikologji.

Ka filluar angazhimin profesional si Specialiste pranë Qendrës së Karrierës në UT në vitin 2013. Në vitin 2018, angazhimi i saj profesional vijon si Përgjegjëse e Sektorit të Kurrikulës dhe Zhvillimit Profesional në Drejtorinë e Përgjithshme të Arsimit Parauniversitar (DPAP) duke mbuluar zhvillimin e kurrikulës në fushën e arsimit parauniversitar,  përfshirë edhe kurrikulën në fushën e edukimit fizik.

Znj. Peppo është licensuar si Trajnere Ndërkombëtare në fushën e Këshillimit Profesional në vitin 2019.

Aktivitetin e saj akademik e ka filluar si asistent-lektore me kohë të pjesshme në vitin 2013. Ka vijuar mësimdhënien si lektore me kohë të pjesshme deri në vitin 2018 pranë Departamentit Psikologji-Pedagogji të FSHS-së të UT, duke përfshirë mësimdhënien e kurseve: Psikologji Zhvillimi dhe Këshillimi i Karrierës. Nga viti 2021, është lektore me kohë të plotë në UST.