Klejda Tani është diplomuar në Universitetin e Karlit (Charles University) në Pragë, Republika Çeke, ku ka studiuar në të dyja ciklet “Bachelor” dhe “Master Shkencor” në degën “Fizioterapi”. Ka përfunduar studimet Doktorale në Fizioterapi në Fakultetin e Shkencave Mjekësore Teknike. Pas një eksperience disa vjeçare në Pragë, ajo u kthye në Tiranë duke vijuar krahas praktikimit të profesionit të saj si fizioterapistë në kliniken e saj private, edhe jetën akademike pranë Universitetit të Mjekësisë, në FSHMT, dhe pranë Universitetit Aldent. Klejda ka qënë lektore e ftuar në universitete jashtë Shqipërisë në programe ERASMUS, si në Lithuanian University of Health Sciences në Kaunas në Lituani, dhe Universitetin e Mjekësisë në Wroclaw, Poloni. Klejda ka ndjekur në mënyrë të vazhdueshme trajnime teorike dhe praktike në fushën e fizioterapisë, si brënda dhe jashtë vendit, duke u përpjekur në mënyrë të vazhdueshme të përditësojë njohuritë e saj profesionale. Specializimet e saj kryesore janë në metodën postural Dynamic Neuromuscular Stabilization dhe terapinë STECCO Fascial Manipulation Therapy. Aktualisht ajo është pjesë e stafit të “Departamentit të Kineziologjisë”, Fakulteti i Shkencave të Rehabilitimit, pjesë e Universitetit të Sporteve të Tiranës si Lektore.